«Մինչ Եռաբլուր այցը՝ ինձ ուժեղ մարդ եմ համարել». Կարեն Մարտիրոսյան

«Մինչ Եռաբլուր այցը՝ ինձ ուժեղ մարդ եմ համարել». Կարեն Մարտիրոսյան

«Մեկ ազգ, մեկ բռունցք» կազմակերպության հիմնադիր, «Երազանքների մոլորակ» բարեգործական հիմնադրամի փոխնախագահ, Armenian National Association (ANA )-ի Ռուսաստանի հայերի ներկայացուցիչ Կարեն Մարտիրոսյանը Հայաստանում է:

Երեկ՝ հունվարի 12-ին, նա Մոսկվայից ժամանել է Հայաստան և օդանավակայանից անմիջապես իրեն դիմավորած հարյուրավոր մարդկանց հետ այցելել է Եռաբլուր՝ հարգանքի տուրք մատուցելու Արցախյան պատերզամի զոհերի հիշատակին:

GPnews.am-ի հետ զրույցում Կարեն Մարտիրոսյանը նշեց, որ մինչ Եռաբլուր այցը՝ իրեն ուժեղ մարդ է համարել, սակայն այժմ անհնար է տեսնել այդքան լացող մայրեր, երիտասարդ հերոսների այդ թվով շիրիմներ.

«Ամեն ինչ տեսել եմ իմ կյանքի ընթացքում և ինձ ուժեղ մարդ եմ համարել, բայց Եռաբլուրում զգացումներս այլ էր՝  կորցրել էի միտքս, խոսելու, մտածելու կարողությունս,-ասաց Կարեն Մարտիրոսյանը և հավելեց,-առանձին այցելել եմ Մոնթեի, Վազգեն Սարգսյանի, Անդրանիկ Օզանյանի շիրիմներին: Նրանց անուններն այս դժվարին իրավիճակում ինձ ուժ են տալիս»:

Նշենք, որ Կարեն Մարտիրոսյանի ղեկավարած կազմակերպության անդամները, «Երազանքների մոլորակ» հիմնադրամն Արցախյան պատերազմի ժամանակ բազմաթիվ միջոցառումներ են իրականացրել Հայաստանին և հայերին աջակցելու նպատակով, միջոցառումներն ակտիվ փուլում են նաև հետպատերազմական շրջանում:

Այսօր Կարեն Մարտիրոսյանը կայցելի Նոր Արեշի ծննդատուն, անակնկալ ունեն  պատրաստած այնտեղ լույս աշխարհ եկած տղա երեխաների համար:

Հրաչուհի Ալմաստյան

Related Articles

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով